Қазақстанда шағын модульдік реакторлары бар АЭС пайдалану мүмкіндігі зерттеледі

Стратегияны іске асыру аясында шағын модульдік реакторлардың (ШМР) ұлттық жағдайларда қолданылу мүмкіндігіне техникалық-экономикалық талдау жүргізу жоспарлануда. Бұл ретте өңірлік ерекшеліктер, сенімділік талаптары және жобаның экономикалық тиімділігі ескерілетін болады.

Сондай-ақ ШМР әзірлеу және жобалау бойынша ғылыми-зерттеу қызметіне қатысу көзделген.

Бұдан бөлек, ШМР орналастырудың басым аудандарын айқындау жоспарлануда. Олардың қатарында энергия тапшылығы бар өңірлер, электр желілік инфрақұрылымы әлсіз дамыған аймақтар, сондай-ақ ескірген жылу электр станцияларын алмастыру мүмкіндігі қарастырылады.