Атом энергетикасы саласындағы ынтымақтастық мәселелері бойынша Électricité de France компаниясымен кездесу өтті

Астанада Қазақстан Республикасының Атом энергиясы жөніндегі агенттігі төрағасының орынбасарлары Әсет Махамбетов пен Василий Лавренов француздың мемлекеттік энергетикалық компаниясы — Électricité de France (EDF) аға вице-президенті Вакис Раманимен жұмыс кездесуін өткізді. Кездесуге сондай-ақ «Қазақстандық атом электр станциялары» ЖШС өкілдері қатысты.

Тараптар EDF компаниясының Қазақстанда атом электр станциясын салу жобасына халықаралық консорциум құрамында қатысу мүмкіндігін талқылады. Ғылыми-техникалық ынтымақтастық мәселелері мен шағын және орта қуатты реакторлар саласындағы өзара іс-қимыл перспективаларына ерекше назар аударылды.

 Кездесу қорытындысында тараптар ынтымақтастықты дамыту жөніндегі бірлескен жұмысты жалғастыруға келісті.