Астаналық жас шабандоздар конкурдан Қазақстан чемпионатында жеңіске жетті

Алматыда жасөспірімдер мен юниорлар арасында конкурдан (кедергілерден секіру) Қазақстан Республикасының чемпионаты аяқталды. Астанадағы «Арғымақ» ат-спорттық сауықтыру кешенінің жас спортшылары турнирде жүлделі орындарға ие болды, деп хабарлайды Астана қаласы әкімдігінің ресми сайты.

№2 бағдар бойынша (кедергі биіктігі 110 см) жасөспірімдер арасында жүлделі орындардың бәрін астаналық спортшылар иеленді:
1-орын – Амира Қабжанова, Шах есімді атпен;
2-орын – Жандос Жақып, Адмирал атты айғырмен;
3-орын – Малика Серік, Микадо атты атпен.

«Балалар» санатында №3 бағдарда (100 см) бірінші орынды да астаналық спортшы – Злата Люлина 10 жастағы Барбина есімді биемен иеленді.

Юниорлар арасында №2-5 бағдарлар бойынша (кедергі биіктігі 110-120 см) астаналық шабандоздар тағы да көзге түсті:
2-орын – Малика Серік, Микадо атпен;
3-орын – Яна Жемчужина, Бавария атты атпен.

№6 бағдарда (110 см) «балалар» санатында үшінші орынды Хадия Советхан өзінің Адмирал есімді атымен жеңіп алды.

Жарысқа Алматы, Астана, Шымкент қалаларынан, сондай-ақ Алматы және Түркістан облыстарынан келген 70-ке жуық спортшы қатысты.