Елорда тұрғындарын ASTANA TRIATHLON-ға қатысуға шақырады

Елордалық триатлон федерациясы 23 маусымда  "ASTANA triathlon" спорттық іс-шарасын ұйымдастырады, деп хабарлайды қала әкімдігінің ресми сайты.

Жарыс Триатлон паркінде спринт және стандарт (олимпиадалық) қашықтықтарында бөлінген маршрут бойынша жас санаттарын ескере отырып өтеді:

Спринт

- Жүзу-750 м;
- Веложарыс-20 км;
- Жүгіру-5 км.

Стандарт (олимпиадалық қашықтық):

- Жүзу-1500 м;
- Веложарыс - 40 км;
- Жүгіру - 10 км.
Эстафета (стандарт).

Қатысушылардың жиналуы Триатлон паркінің орталығында сағат 06:00-де басталады.

Денсаулық жағдайы бойынша келесі жас топтарында қашықтықты еңсере алатын барлық ниет білдірушілер қатысуға шақырылады: 18-29 жас, 30-39 жас, 40-49 жас, 50-59 жас, 60 жас және одан жоғары.

Қатысушыларды тіркеу Триатлон федерациясының сайтында жүргізіледі: https://astanatriathlon.kz/ru.

Ол қатысушылардың лимитіне жеткенде жабылады.

Әр финишер естелік медаль алады, ал жеңімпаздарға сыйлықтар табысталады.