«Жұлдызды патруль»: қазақстандық актер «Таза Қазақстан» акциясын қолдады

«Таза Қазақстан. Астана – тазалық пен тәртіптің үлгісі» ауқымды экологиялық акциясы аясында белгілі қазақстандық актер Дәурен Серғазин «Жұлдызды патруль» акциясын ұйымдастырды, деп хабарлайды Астана әкімдігінің ресми сайты.

Акция аясында Дәурен Серғазин тұрғындармен қалаға ұқыпты қараудың және қоғамдық тәртіп пен тазалықты сақтаудың маңыздылығы туралы әңгімелесті.

«Жұлдызды патруль» кезінде актер қоқысты отырған орнында қалдырып кеткен жасөспірімдерді байқады. Ол сондай-ақ олардан пластикалық бөтелкелерді урнаға тастауды өтінді.

кция аясында актер коммуналдық қызметкерлерге еңбектері үшін алғысын білдірді: оларға шай беріп, өз көмегін ұсынды.

«Барлығына сәлем. Әлеуметтік акция аясында мен тұрғындардың назарын экологиялық жауапкершілікке аударғым келді, сондай-ақ атқарған жұмыстарыңыз үшін сіздерге алғыс айтқым келді. Қаламызды таза әрі ұқыпты ұстайтындықтарыңыз үшін сіздерге зор алғыс білдіремін», – деді актер.

Ол сондай-ақ қазақстандықтарды экоакцияға белсенді қатысуға және қалада тазалықты сақтауға шақырды.