Елордада қалалық қызметтер күшейтілген жұмыс режиміне көшті

Ауа-райының қолайсыздығына байланысты Астананың барлық коммуналдық және мердігерлік ұйымдары күшейтілген режимдегі жұмыс тәртібіне көшті. Елорда тұрғындары мен қонақтарынан қала бойынша сапарлардың маршруттарын алдын ала жоспарлауды сұрайды, деп хабарлайды елорда әкімдігінің ресми сайты.

Тәулігіне 20 мың текше метр қар шығарылды. Жолдарды қардан шығару және тазарту кезінде 1000-ға жуық техника пайдаланылды. Қарды қолмен тазалауға 1000-нан астам жұмысшы жұмылдырылды. Қарды шығару жұмыс күндері, демалыс және мереке күндері тәулік бойы жүргізіледі.

"Қазгидромет" РМК деректері бойынша, Астанада 30 желтоқсанда қар, боран, көктайғақ, екпіні 28 м/с дейін жел күшейеді деп күтілуде.

Ауа-райының күрт нашарлауына байланысты Астана әкімдігі қала тұрғындары мен қонақтарынан көшеде жүргенде өте мұқият және сақ болуды, алыс сапарларға шықпауды сұрайды.