Астанада 424 мың жеке тұлғаға мүлік салығы есептелді
2023 жылдың 1 қазанында жеке тұлғаларға 2022 жылға мүлік салығын төлеу мерзімі аяқталады. Астана қаласы бойынша Мемлекеттік кірістер департаментінің өндірістік емес төлемдер басқармасының басшысы Ерлан Бәкіров елорданың коммуникациялар қызметінде өткен брифингте қандай нысандарға салық салынатыны және оның қалай есептелетіні туралы айтып берді, деп хабарлайды қалалық әкімдіктің ресми сайты.
Салық салуға мынадай объектілер жатады: Қазақстан Республикасының аумағында орналасқан, жеке тұлғаларға меншік құқығында тиесілі тұрғын үй-жайлар, саяжай құрылыстары, гараждар және өзге де құрылыстар, құрылыстар, үй-жайлар; тұрған, пайдаланған сәттен бастап аяқталмаған құрылыс объектілері.
Жеке тұлғаларға салық салу объектілері бойынша салықты есептеуді салық органдары салық төлеушінің тұрғылықты жеріне қарамастан, салық салу объектісінің орналасқан жері бойынша есепті салық кезеңінен кейінгі жылдың 1 шілдесінен кешіктірмей, құқығы болған жеке тұлғалардың салық салу объектілері бойынша меншік құқығындағы нақты иелену мерзімін ескере отырып, салық базасына тиісті салық мөлшерлемесін қолдану жолымен жүргізеді есепті салық кезеңінен кейінгі жылдың 1 қаңтарына дейін тіркелген.
«Жеке тұлғалардың мүлкіне салынатын салық әрбір салық салу объектісі бойынша жеке есептелген салық сомаларын қамтиды. Егер салық кезеңі ішінде салық салу объектісі меншік құқығында он екі айдан аз болса, мұндай объектілер бойынша төленуге жататын мүлікке салынатын салық салық сомасын он екіге бөлу және салық салу объектісінің меншік құқығында болған нақты кезеңдегі айлар санына көбейту жолымен есептеледі», - деп түсіндірді Бакиров.
Бұл ретте объектінің меншік құқығында болуының нақты кезеңі салық кезеңінің басынан (егер объект осындай күнге меншік құқығында болған жағдайда) немесе объектіге меншік құқығы туындаған айдың 1 күнінен бастап, осындай объектіге меншік құқығы берілген айдың 1 күніне дейін немесе салық кезеңінің соңына дейін айқындалады (егер объект осындай күнге меншік құқығында болған жағдайда).
Бірнеше жеке тұлғаның ортақ үлестік меншігіндегі салық салу объектісі үшін салық олардың осы мүліктегі үлесіне пропорционалды түрде есептеледі.
Салық салу объектісі жойылған, бұзылған кезде салық сомасын қайта есептеу уәкілетті мемлекеттік орган беретін, жою, бұзу фактісін растайтын құжаттар болған кезде жүргізіледі.
«Меншік құқығын беретін тұлғаның салық салу объектісін иеленуінің нақты кезеңі үшін төленуге жататын салық сомасы бюджетке меншік құқығы мемлекеттік тіркелген күннен кешіктірілмей енгізілуі тиіс. Бұл ретте осы тармақтың бірінші бөлігінде көзделген жағдайда жеке тұлғалардың мүлкіне салынатын салықты есептеу мақсатында салық салу объектісіне меншік құқығын беру жүргізілген жылдың алдындағы салық кезеңі үшін айқындалған салық базасы пайдаланылады», - деді спикер.
2022 жылы Астанада мүлік салығы 424 мың жеке тұлғаға есептелді, бұл 3,7 млрд теңгені құрайды. Алайда 189 мың адам әлі салық төлеген жоқ. 2 қазаннан бастап борышкерлерге берешек туралы хабарлама жіберіледі. Егер берешек сомасы 1 АЕК-тен асатын болса, хабарлама тапсырылғаннан кейін 30 жұмыс күні өткен соң берешекті мәжбүрлеп өндіріп алу туралы салық бұйрығы жасалады.