Үстемеақыларды бақылау және нарықты жаңғырту: елордада сауда нысандарының жұмысы қалай жақсартылады
Елордалық Сауда және тұтынушылардың құқықтарын қорғау департаменті қала әкімдігімен бірлесіп азық-түлік қауіпсіздігін қамтамасыз ету және әлеуметтік маңызы бар азық-түлік тауарларына 15% сауда үстемесін сақтау бойынша бағаларды реттеу жөнінде іс-шараларды тұрақты түрде өткізеді. Бұл жұмыс туралы толығырақ Астананың Коммуникациялар қызметінде өткен брифингте ведомство басшысы Нұрғали Егембердиев айтып берді, деп хабарлайды елорда әкімдігінің ресми сайты.
Спикер департамент әлеуметтік маңызы бар азық-түлік тауарларына баға белгілеудің бүкіл тізбегі бойынша делдалдық схемаларды тергеу жөніндегі өңірлік комиссияның құрамына кіретінін атап өтті.
Өңірлік комиссияның негізгі мақсаты – өз құзыреті мен өкілеттігі шеңберінде делдалдарды анықтау бойынша бірлескен іс-шаралар өткізу, базарлардың бөлшек саудагерлеріне олардың бақылау-кассалық тәртіпті сақтауы тұрғысынан тексеру жүргізу, бұл олардың сауда үстемесінің мөлшерін нақтылауға және баға белгілеу тізбегін қадағалауға мүмкіндік береді.
«Бағаның өсуіне жол бермеу мақсатында сауда субъектілеріне сауда үстемесін сақтау тұрғысынан 15%-дан аспайтын түсіндіру жұмысын тұрақты негізде жүргізу. Өнімді емес делдалдар негізінен азық-түлік, ет және сүт өнімдерінде кездеседі.
Сатып алушылар көтерме сатушылардан (дистрибьюторлардан) сатып алады және бөлшек саудагерлерге сауда үстемесін 15%-дан асыра сатады», - деп түсіндірді Егембердиев.
Осы жылдың сәуір айынан бастап сауда үстемесін бұзудың 23 фактісі анықталды, олар бойынша ҚР ӘҚБтК-нің 204-4-бабы бойынша әкімшілік іс қозғалды және «ескерту» түрінде әкімшілік жауаптылыққа тартылды.
Сонымен қатар, департамент 2025 жылға дейін базарларды жаңғырту бойынша жол картасын орындау бойынша жұмысты үйлестіреді.
Астана қаласы бойынша 3 базар (Шанхай базары, Алтай базары, Ұлжан базары) жаңғыртылуға жатады. Жаңғыртудың аяқталу мерзімі 2025 жылдың соңы. Мамандандырылған сауда базарларын жаңғыртуға қатысты Астанада 9 базар бар. Оның ішінде Алаш базары қазіргі заманғы сауда форматының объектісі болып саналады, қалған 8 базар (Он-Олжа, ТПК Нұр, Мереке-Магнит, Эталон, Шарын, Сапа, Көктал) 3-5 жыл ішінде қазіргі заманғы сауда форматына көшуді жоспарлап отыр», - деді спикер.
Сондай-ақ, «Шарын» мамандандырылған сауда орны 2024 жылы аяқталу мерзімімен 2 кезеңде жаңғыртуды жоспарлап отыр. Қазір жалпы ауданы 2500 ш. м. болатын қойма, үй-жайларының құрылысы басталды.
Сауда нарықтарын Smart QR жобасына қосу бойынша ауқымды жұмыс жүргізілуде. Қазіргі уақытта жүйеге «Астана» және «Әсем» екі базары қосылды. Сауда қызметінің қалған субъектілері бойынша жұмыс жалғасуда.