Астанада иппотерапия орталығы ашылды
Елордада Республика күні және Балалар жылына орай мүмкіндігі шектеулі балалардың иппотерапиямен айналысуы үшін «Арғымақ» ат-спорттық сауықтыру кешені ашылды. Бұл кешенде халықаралық жарыстар да өтеді. Ат спорты-сауықтыру кешені елордада балалар мен жасөспірімдер спортының дамуына да ықпал етеді, деп хабарлайды Астана әкімдігінің ресми сайты.
Мемлекет басшысы 2022 жылды Балалар жылы деп жариялады. Президент олардың әл-ауқаты — мемлекетіміздің табысты болашағының сенімді кепілі екенін айрықша атап өтті.
Ипподром — қала тұрғындары үшін бірегей және маңызы зор орталық. Толық қуатта иппотерапия орталығы 2023 жылдың көктемінен бастап жұмыс істейді.
Балалар, оның ішінде ерекше балалар иппотерапия сабақтарына қатысуға мүмкіндік алды.
Ипподром балалардың денсаулығын нығайтып, психоэмоционалды жағдайын жақсартатын пайдалы іс-шараларға қол жеткізуге мүмкіндік береді.
Елордада 7,1 мың мүгедек бала бар, олардың бір мыңға жуығы денсаулығы бойынша және диагнозға сәйкес иппотерапиямен айналысуы қажет. Балалар үйретілген жылқылар арқылы ат спортымен шұғылдана алады және жарыстарға, оның ішінде арнайы олимпиада аясында қатыса алады.
«Астанада «Арғымақ» ат-сауықтыру кешені салынды. Бұл жаңа кешеннің негізгі міндеті — ерекше балалармен иппотерапия сабақтары. Биылғы жыл балалар жылы деп жарияланды. Биыл елордамыздың балаларына сый ретінде осындай орталық ашылды. Кешен халықаралық стандарттарға толықтай сәйкес келеді және келесі жылдан бастап толық күшіне енеді. Мұнда да халықаралық жарыстар өтеді, балалар мен жасөспірімдер спорт мектептерінің балалары да қатысады», — деді Ат спорты түрлерінен мемлекеттік жаттықтырушы Аманжол Хасенов.
«Мен мұндай жағдай мүмкіндігі шектеулі балаларда пайда болғанына қуаныштымын. Иппотерапия бізге көп көмектеседі, ана ретінде мұндай орынның ашылғанына өте қуаныштымын», - деп ерекше баланың анасы Айнагүл Құдайбергенова қуанышымен бөлісті.
Иппотерапия — үйретілген атпен жүру арқылы оңалту әдісі. Иппотерапияның бірегейлігі балалардың психикасына әсер етудің денеге арналған әдістерінің үйлесімінде жатыр. Емдік мақсатта атпен жүру баланың денесіне биохимиялық әсер етеді, оны нығайтады. Ол шабандозға баланың жүру қимылына ұқсас мотор импульстарын береді.
Жаңа ат спорты кешенінің алаңында республикалық және халықаралық деңгейдегі түрлі турнирлер мен іс-шаралар өткізілетінін атап өтеміз. Сонымен қатар, орталық елордада балалар мен жасөспірімдер спортының дамуына ықпал ететін болады.
Жоба ERG компаниясының қолдауымен жүзеге асырылды.