Білімге салынған инвестиция: Елордада Future School мектеп-балабақшасы іске қосылды

Білімге салынған инвестиция - болашаққа қосқан үлес. Бүгінгі таңда елордада осы саладағы бірқатар инвестициялық жобалар іске асырылуда. Солардың бірі-биылғы оқу жылында өз есігін ашқан Future School жалпы білім беретін мектебі, деп хабарлайды қалалық әкімдіктің ресми сайты. 

Мекеменің бірегейлігі-ол 440 кіші буын оқушылары мен 120 балабақша тәрбиеленушілеріне арналған "мектеп-балабақша" форматында жұмыс істейді. Мұнда 50 адам жұмысқа орналастырылды. 

"2009 жылдан бастап білім беру нарығына қатысып келеміз, бізде 2 "Ақбөпе" балабақшасы болды, содан кейін ата-аналар сұрағандықтан, бізге одан әрі жалғастыру туралы ой келді. Мұндай мүмкіндік 2019 жылы пайда болды. Біз инвестициялық келісімшарт жасадық, бұған бізге Инвестициялар жөніндегі басқарма, Инвестициялар жөніндегі комитет көп көмектесті, біздің өтінімдерімізді қарап, бізге бір гектар жер учаскесін берді. Құжаттарды рәсімдеу 1 жылға созылды. Осыдан кейін біз мектеп салуды бастадық. Олар да тез салынды, жобалауға жарты жыл кетті, жалпы бір жыл ішінде салынды", - деп атап өтті "Future School" құрылтайшысы Арман Бірімжанов. 

"Балабақша-мектеп" форматы кездейсоқ таңдалмады, өйткені бұл салада белгілі бір тәжірибе жинақталды.

Кәсіпкердің айтуынша, жобаны толық іске асырғанға дейін жүргізген "Астана Инвест" компаниясы үлкен ұйымдастырушылық көмек көрсетті. 

"Егер бұрын қандай да бір бюрократиялық кедергілерден өзіміз өтуіміз керек болса, қазір біз тікелей "Астана Инвестке" жүгінеміз, олармен бәрін айтамыз және олар одан әрі қарай көмектеседі",-деп атап өтті Арман Бірімжанов.