Елордалық STREETBALL турниріне 2 мыңға жуық спортшы қатысты

30-ы мен 1 маусым аралығында елордада қала күніне орай көше баскетболынан STREETBALL турнирі өтті, деп хабарлайды қала әкімдігінің ресми сайты.

Елорда жастары арасындағы Турнир Қазақстан Республикасының Ұлттық баскетбол федерациясының, Қазақстанның спорт одағының, Нұр-Сұлтан қаласының Жастар саясаты мәселелері басқармасының және "Астана жастары" ЖРО, The chronic қолдауымен өтті.

Іс-шараның мақсаты-көше жастары арасында спортты, салауатты өмір салтын насихаттау және көше спортын дамыту.

Турнирге барлығы қалалық және республикалық 41 әуесқой команда қатысты. Жалпы алғанда, бұл шамамен 2 мың жас.

"Бүгінгі турнир бір ортада дамып келе жатқан жастарды біріктіру мақсатында ұйымдастырылды. Мұнда тек елордалық спортшылар ғана емес, Қазақстанның басқа да қалаларынан спортшылар қатысады. Біз осындай іс - шараларды қолдауға және жастарға өздерін көрсетуге көмектесе алғанымыз қуаныштымыз",-деді Нұр-Сұлтан қаласының Жастар саясаты мәселелері басқармасының басшысы Қайрат Қамбаров.

Турнир қорытындысы бойынша жасөспірімдер арасында бірінші орынды Street beavers командасы алды, қыздар арасында Пирожочки командасы жеңімпаз атанды.