Нұр-Сұлтанда "Шабыт шаттығы" атты концерт өтеді

Нұр-Сұлтан қаласының Жастар саясаты мәселелері басқармасының қолдауымен Қазақ ұлттық өнер университетінің шәкірттері 3 маусым күні қалалық паркте «Шабыт шаттығы» атты Балалар жылына және Балаларды қорғау күніне арналған мерекелік концертін өткізеді, деп хабарлайды елорда әкімдігінің ресми сайты. 

 Концерт Нұр-Сұлтан қаласының тұрғындарына, қонақтарына, әсіресе, кішкентай бүлдіршіндерге арналады.

 "Өскелең ұрпақтың үйлесімді дамуы мен бақытты балалық шағы – біздің жалпыұлттық міндетіміз" - деп өз сөзінде   президентіміз  Қасым-Жомарт Тоқаев айтып өткендей, аталмыш іс-шара өскелең ұрпақтың мәдениетке және өнерге деген қызығушылығын арттыру үшін  ұйымдастырылып отыр.

 Аталған іс-шарада Қазақ ұлттық өнер университетінің мектеп оқушылары, колледж және бакалавриат студенттері өздерінің өнерлерін көрермендерге паш етеді.

 Бағдарламада ұлттық және классикалық өнер, эстрада жанры, театрландырылған қойылым мен үрлемелі аспаптар оркестрі өнерлерін көрсетеді.

 Баршаңызды мерекелік кештің қадірменді қонағы болуға шақырамыз!