Елордалық қандай мекемелерге белгілі тұлғалардың есімдері берілді

Елордалық білім және мәдениет мекемелеріне қазақтың белгілі тұлғаларының, көрнекті қоғам және саяси қайраткерлердің есімдері берілді, деп хабарлайды қала әкімдігінің ресми сайты Нұр-Сұлтан қаласының Тілдерді дамыту және архив ісі басқармасына сілтеме жасап.

Саяси және қоғам қайраткер Нәзір Төреқұловтың есімі елордалық № 35 мектеп-лицейіне берілді. № 51 мектеп-гимназиясы Мұстафа Шоқайдың, ал №53 мектеп-лицейі батыр, полковник Бауыржан Момышұлы есімімен аталды.

№ 54 мектеп-лицейіне Ақселеу Сейдімбек, № 61 орта мектепке Қаныш Сәтпаев, № 67 гимназияға Ілияс Есенберлин, № 74 мектеп- гимназиясына Мұқағали Мақатаев, № 78 мектеп-гимназиясына Смағұл Сәдуақасұлы, № 86 мектеп-гимназияға Мұхтар Әуезов, № 9 гимназияға Қайым Мұхамедханов, Мемлекеттік академиялық филармонияға – Еркеғали Рахмадиев есімі берілді.

Белгілі тарихи тұлғалардың есімдері «Нұр-Сұлтан қаласының кейбір білім және мәдениет ұйымдарына атау беру және қайта атау туралы» Қазақстан Республикасы Үкіметінің 2021 жылғы 23 қыркүйектегі № 669 қаулысына сәйкес берілді.
Бұдан бөлек, «NOMAD City Hall» театрының атауы ресми түрде «Әзербайжан Мәмбетов атындағы мемлекеттік драма және комедия театры» болып өзгертілді.