Елордалық жас балуан әлем чемпионы атанды

Елордалық балуан Айбек Айтбеков АҚШ-тың Лас-Вегас қаласында өтіп жатқан 23 жасқа дейінгі спортшылар арасындағы әлем чемпионатында топ жарып, алтын медаль жеңіп алды, деп хабарлайды елорда әкімдігінің ресми сайты.

Грек-рим күресінен 60 келі салмақ дәрежесінде ел намысын қорғаған жерлесіміз финалдық белдесуде Әзербайжан өкілі Елмир Алиевті 13:4 есебімен сенімді жеңіп, әлем чемпионы атанды.