Елорданың Алматы ауданындағы тұрғын үйдің қасбетінде жаңа мурал көрініс тапты

Елорданың Алматы ауданында Абылай хан даңғылы, 55-мекенжайда орналасқан тұрғын үйдің қасбетін жаңа мурал безендірді, деп хабарлайды қала әкімдігінің ресми сайты.

Муралды салу жұмысы толық аяқталды. Онда алма бағында тұрған қыз бейнеленген. Қанық түстер мен жұмсақ сызықтар үй айналасындағы жасыл желекпен үйлесіп, жайлы көрініс қалыптастырған.

Жарқын арт-кеңістік қалалық ортаның жаңа элементіне айналып, көшенің қалыптасқан келбетін өзгертіп, ауданға заманауи визуалды реңк қосты.