Елорданың Сарыарқа ауданында «Заң мен тәртіп» қағидатын және «Zhastаrmen» жобасын іске асыру аясында есірткі заттарын насихаттайтын жазулар мен бояуларды анықтап, өшіру бойынша бірлескен профилактикалық іс-шара өтті, деп хабарлайды Астана әкімдігінің ресми сайты.

Іс-шараға прокуратура, полиция және аудан әкімдігі аппаратының қызметкерлері, сондай-ақ еріктілер қатысты.

Акция барысында анықталған жазулар бояумен өшірілді.

Іс-шара есірткі заттарының таралуының алдын алуға, құқық бұзушылықтарды болдырмауға, сондай-ақ санитарлық және қоғамдық тәртіпті сақтауға бағытталды.

Сарыарқа ауданының прокуратурасы тұрғындарды бейжай қалмай, есірткі жарнамаларын байқаса, құқық қорғау органдарына хабарлауға шақырады.

Мұндай жұмыс қала бойынша тұрақты түрде жүргізіледі.

#законипорядок #заңментәртіп