Астаналық боксшы Азия чемпионы атанды

Астаналық спортшы Нұрислам Бақтыбаев Өзбекстанның Ташкент қаласында өтіп жатқан бокстан Азия чемпионатында U15 санатында алтын медаль жеңіп алды, деп хабарлайды елорда әкімдігінің ресми сайты.

55 келіге дейінгі салмақ дәрежесінде астаналық боксшы финалда өзбекстандық Бобурмирзо Муродовпен кездесті. Нұрислам сенімді әрі шебер жұдырықтасып, қарсыласын 5:0 есебімен айқын жеңді.

Осылайша Нұрислам Бақтыбаев Азия чемпионы атанып, Қазақстан құрамасының қоржынына құрлық біріншілігінің кезекті алтын медалін салды.