Елорда тұрғындары «Ататүрік» саябағында шамамен 300 ағаш отырғызды

Елордада көгалдандыру бойынша жаппай экологиялық акция өтті. Байқоңыр ауданының «Ататүрік» саябағында тұрғындар жүздеген көшет отырғызды, деп хабарлайды елорда әкімдігінің ресми сайты.

Таңертеңнен бастап саябақ аумағына шамамен 300 адам жиналды. Акцияға қатысушылар – қала тұрғындары, еріктілер, белсенді ұзақ өмір сүру орталығының зейнеткерлері, қалалық мәслихат депутаттары және отбасылар балаларымен бірге учаскелерге бөлініп, ағаш отырғызуға кірісті.

Ұйымдастырушылардың мәліметінше, небәрі бірнеше сағат ішінде шамамен 300 көшет отырғызылды.

Жұмыс ағаш сирек отырғызылған учаскелерде жүргізілді.

«Қаланың жасыл желекке толы болғанын қалаймыз. Біз бұл туралы жиі айтамыз, бірақ оған өзіміз де атсалысуымыз маңызды», – деді қатысушылардың бірі.

Сонымен қатар тұрғындар негізгі фактор ретінде отырғызылған ағаштарға кейінгі күтімнің де маңызын атап өтеді. Олардың айтуынша, тұрақты суару мен бақылау болмаса, ағаштардың бір бөлігі жерсінбеуі мүмкін.

Соған қарамастан, акцияға көп адам қатысып, абаттандыру жұмысына атсалысты.

«Ататүрік» саябағы – елорданың орындарының бірі, мұнда қоғамдық және мәдени іс-шаралар тұрақты түрде өткізіледі.

#ТазаҚазақстан #экология #TazaChallenge #ТазаАула @TazaQazaqstan