«Таза қала»: Bazis-A елордада тазалық айлығына үлес қосты

Астанада «Таза Қазақстан» жалпыұлттық экологиялық акциясы аясында ірі құрылыс компаниялары «Таза қала» бастамасын қолдап, қала тазалығын сақтауға бағытталған шараларға белсенді қатысып келеді, деп хабарлайды қала әкімдігінің ресми сайты.

Солардың бірі – Bazis-A компаниясы. Ұжым елордадағы жалпықалалық сенбілікке қатысып, қоршаған ортаны жақсартуға бағытталған жұмыстарға белсене атсалысты.

Іс-шараға 1119 қызметкер мен 24 арнайы техника жұмылдырылды. Акция барысында аумақтарды тазалау, абаттандыру және қатты тұрмыстық қалдықтарды шығару жұмыстары жүргізілді. Нәтижесінде шамамен 45 тонна қоқыс шығарылды.

#ТазаҚазақстан #экология #TazaChallenge #ТазаҚала @TazaQazaqstan