Наурызнама: Астананың тұрғын алаптарында концерттік бағдарламалар басталды

21 наурыз күні елорданың алты ауданындағы тұрғын алаптарда ересектер мен жасөспірімдерге арналған интерактивтер арқылы концерттік бағдарламалар өтіп жатыр, деп хабарлайды қала әкімдігінің ресми сайты.

21 наурыз күні сағат 12:00-де Сарайшық ауданының «Промышленный» тұрғын алабында эстрада жұлдыздарының қатысуымен концерттік бағдарлама басталды. Тұрғындар үшін ұлттық ойындар мен түрлі интерактивтер ұйымдастырылған.

Сол сияқты Нұра ауданының Үркер тұрғын алабындағы Айғыржал саябағында сағат 12:00-ден бастап Наурыз мерекесі тойлана бастады.

Мұнда кәсіпкерлердің қатысуымен киіз үйлерде жәрмеңкелік сауда ұйымдастырылып, ұлттық спорт түрлерінен жарыстар өткізілуде.

Сарыарқа ауданының Көктал-1 тұрғын алабында 21 наурыз күні сағат 12:00-ден бастап мерекелік көңіл көтеру іс-шаралары басталды: концерттік бағдарлама мен ұлттық спорт түрлері бойынша жарыстар ұйымдастырылды.

Сонымен қатар, Байқоныр ауданының Кірпішті тұрғын алабында 21 наурыз күні сағат 12:00-де аудан тұрғындарына арналған концерттік бағдарлама өтті.

Есіл ауданының Пригородный тұрғын алабында да 21 наурыз күні сағат 12:00-де концерттік бағдарлама басталып, ұлттық спорт түрлері бойынша жарыстар мен түрлі интерактивті іс-шаралар ұйымдастырылды.

Ал Алматы ауданындағы Теміржолшылар тұрғын алабында ұлттық спорт жарыстары, концерттік бағдарлама, интерактивті іс-шаралар, сәндік-қолданбалы өнер көрмелері және мерекелік сауда ұйымдастырылды.

22 наурыз күні сағат 12:00-ден бастап мерекелік шаралар келесі тұрғын алаптарда жалғасады:
Интернациональный тұрғын алабы;
Мичурино тұрғын алабы;
Күйгенжар тұрғын алабы;
Отау тұрғын алабы;
Бағыстан тұрғын кешені;
Өндіріс тұрғын алабы;
Көктал-2 тұрғын алабы (Қорғалжын сквері).