Референдум-2026: Астанадағы сайлау учаскелерінде алғашқы дауыс берген тұрғындарға сыйлықтар табысталуда

Астанада референдум өткізу үшін 501 сайлау учаскесі ашылды. Таңертеңнен бастап тұрғындар белсенділік танытып, алғашқы болып дауыс берген азаматтар мен алғаш рет дауыс беруге қатысып жатқан тұрғындарға символикалық сыйлықтар табысталуда, деп хабарлайды елорда әкімдігінің ресми сайты.

Астанадағы сайлау учаскелерінде тұрғындар үшін жағымды тосынсыйлар дайындалған. Естелік сыйлықтар алғашқы болып дауыс берген азаматтарға, сондай-ақ кәмелет жасына енді ғана толып, алғаш рет дауыс беруге қатысып жатқан жастарға берілуде.

Мұндай бастама тұрғындардың белсенді азаматтық ұстанымын қолдауға және маңызды қоғамдық-саяси оқиғаға қатысуын ынталандыруға бағытталған.

Жалпы елордадағы сайлау учаскелерінде шамамен 4 500 сыйлық дайындалған.