«Заң мен тәртіп»: астаналық студенттерге сталкингке қатысты үлгілік сот процесі көрсетілді

«Заң мен тәртіп» қағидаты аясында Астананың Байқоңыр ауданының прокуратурасы студенттер үшін сталкинг мәселесіне арналған көрсетілімдік сот процесін ұйымдастырды, деп хабарлайды елорда әкімдігінің ресми сайты.

Құқықтық сауаттылықты арттыру және құқықбұзушылықтардың алдын алу мақсатында Esil University студенттеріне сталкингке қарсы іс-қимыл тақырыбында оқу сот отырысы өткізілді.

Іс-шара барысында сталкингтің құқықтық қырлары, кінәлі тұлғаларды жауапкершілікке тарту тәртібі және жәбірленушілерді қорғау шаралары түсіндірілді. Сондай-ақ қолданыстағы заңнама нормалары мен сталкинг деректері болған жағдайда құқық қорғау органдарына жүгіну алгоритмі баяндалды.

Шараның басты мақсаты – жастар арасында қудалау әрекеттеріне нөлдік төзімділік сталкинг қалыптастыру, құқықтық мәдениетті арттыру және жеке тұлғаға қарсы қылмыстардың алдын алу.

Айта кетейік, іс-шараға өзге факультеттердің студенттері онлайн форматта қосылып, жалпы қамту шамамен 300 адамды құрады.

Мұндай профилактикалық бастамалар заңдылық пен құқықтық тәртіп қағидаттарын нығайтуға және қауіпсіз білім беру ортасын қалыптастыруға ықпал етеді.

 #законипорядок #заңментәртіп