«Заң және тәртіп»: елордалық мектептерде «Болашақ прокурорлар клубы» ашылды
Елордалық прокуратурада «Ө.Сейітов атындағы Болашақ прокурорлар клубы» атты пилоттық жоба таныстырылды. Жоба қала мектептерінде «Заң және тәртіп» қағидаты аясында жүзеге асырылады, деп хабарлайды Астана әкімдігінің ресми сайты.
Пилоттық жоба бастапқыда Сарайшық ауданында іске қосылады. Аудан прокуратурасы бөлімінің басшысы Әсет Досаевтың айтуынша, «Болашақ прокурорлар клубы» – оқушыларды құқықтық біліммен қамтуға бағытталған жаңа формат, оның мақсаты – оқушылардың белсенді азаматтық ұстанымын дамыту, командалық жұмыс істеу дағдыларын қалыптастыру.
«Біздің клуб – тек қызығушылық бойынша бірлестік емес. Бұл – оқушыларда құқықтық мәдениет пен көшбасшылық қасиеттерді қалыптастыруға, жас ұрпаққа заңға және құқыққа құрметпен қарауды үйретуге нақты қадам. Клуб жұмысы мына принциптерге негізделген: еріктілік, прокуратура және басқа мемлекеттік органдармен серіктестік, ашықтық пен есептілік, мектеп пен қоғам мүддесіне басымдық беру. Біз тек жүйелі және ашық тәсіл жасөспірімдер арасындағы құқық бұзушылықтарды азайтуға және мектептерде қауіпсіз ортаны қалыптастыруға көмектесетініне сенеміз», – деді Асет Досаев.
Клуб жұмысының үйлестіру жұмысын прокуратура мектеп әкімшіліктерімен және куратор арқылы орындайды.
«Клуб өзін-өзі басқару принциптеріне негізделген нақты құрылымға ие. Оның орталық фигурасы – клуб көшбасшысы, айналасында белсенділер қалыптасады. Барлық шешім құқықтық штаб отырыстарында бірге қабылданады, онда оқушылардың жоспарлары, есептері, бастамалары талқыланады. Клубтың іс-әрекет формалары: құқық сабақтары, дебаттар, дискуссиялар, прокуратураға экскурсиялар, конкурстар мен олимпиадаларға қатысу, сондай-ақ әлеуметтік акциялар мен құқық бұзушылықтардың алдын алу жобалары, бюллетеньдер мен ақпараттық стендтер шығару», – деді Асет Досаев.
Жобаның таныстырылымында құқық саласын үйренуде көшбасшылық қасиеттерін көрсеткен оқушыларға сертификаттар табыс етілді, ал мектептерге клуб мүшелігін растайтын мүсіншелер берілді. Қазіргі таңда жобаға 17 астаналық мектеп қатысып отыр.
#законипорядок #заңжәнетәртіп