Астанада 25 қазанда қорытынды ауыл шаруашылығы жәрмеңкесі өтеді

Республика күні 25 қазанда Астанада Ақмола облысының тауар өндірушілерінің қатысуымен ауқымды ауыл шаруашылығы жәрмеңкесі өтеді. Іс-шара бір күн ғана өтеді, деп хабарлайды Астана әкімдігінің ресми сайты.

Жәрмеңкеге өңірдің 100-ден астам ауыл шаруашылығы тауарын өндірушілер мен қайта өңдеу кәсіпорындары қатысады.
Сөрелерде тамақ өнімдерінің 50-ге жуық атауы ұсынылатын болады.

Облыс фермерлері ет және шұжық өнімдерін, жаңа піскен балық, жұмыртқа, сүт және сүт өнімдерін, ұн, картоп пен көкөністерді әкеледі.

Өнімнің жалпы көлемі 460 тоннадан асады.

Сондай-ақ, жәрмеңкеде тұтынушыларға көмек көрсету үшін еріктілер жұмыс істейді.

Келушілердің назарына Ақмола әртістерінің қатысуымен концерттік бағдарлама ұсынылады.

Жәрмеңке «Қазанат» ипподромына қарама-қарсы Қарқаралы тас жолы 1 мекен-жайында бір күн ғана өтеді.

Басталуы таңғы сағат 8.00-де.