Астанада Нұрлы елді мекеніне баратын жол уақытша жабылады

Астана қаласының Көлік және жол-көлік инфрақұрылымын дамыту басқармасы Нұрлы елді мекеніне баратын жолда жол жабынының жоғарғы қабатын төсеу жұмысы жүргізеді, деп хабарлайды елорда әкімдігінің ресми сайты.

Осыған байланысты аталған учаске 28 және 29 тамыз толығымен жабылатын болады. Бұл ретте қозғалыс кіреберіс балама жолдар арқылы ұйымдастырылады.

Жүргізушілер мен жаяу жүргіншілер қозғалыс бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады.