«Мектепке жол»: Астанада кезекті 100 балаға жаңа оқу жылы қарсаңында көмек көрсетілді

Астанада жаңа оқу жылы қарсаңында дәстүрлі республикалық «Мектепке жол» акциясы өтті. Онда шамамен 100 балаға көмек көрсетілді, деп хабарлайды елорда әкімдігінің ресми сайты.

Акцияның ұйымдастырушылары – «Ерекше мерекелер» қоғамдық қоры және Munara балаларға арналған түзету орталығы, іс-шара Астана әкімдігінің қолдауымен өткізілді.

Мерекелік іс-шара елордалық филармонияның камералық залында өтті. Мұнда шамамен 100 бала жиналды, олардың қатарында ерекше қажеттіліктері бар балалар, сондай-ақ Қосшы қаласы мен Тайтөбе ауылынан келген балалар болды.

Балалар концерттік бағдарлама дайындап, өз таланттарын көрсетті: ән айтып, би билеп, сән көрсетілімдерін ұйымдастырып, өлең оқыды.
Акция аясында балаларға мектеп сөмкелері мен оқу құралдары сыйға тартылды. Ұйымдастырушылар жасөспірімдерді жаңа оқу жылының басталуымен құттықтап, табыс тілеп, жылы лебіздерін білдірді.

«Мектепке жол» акциясы он жылдан бері мемлекеттік органдардың, бизнестің және қоғамдық ұйымдардың бірлесуімен өткізіліп келеді. Мұндай шаралардың арқасында ата-аналарға аз да болса жеңілдік жасалады, ал балалар қуанышқа бөленіп, сыйлықтар ие болады.

Сондай-ақ, олардың өзін танытуына, таланттарын көрсетуіне мүмкіндік беріледі. Бұл – балалар үшін үлкен қолдау әрі ынталандыру. Биылғы демеуші – Munara түзету-дамыту орталығының құрылтайшысы Хилола Расулметова болды», – деді «Ерекше мерекелер» қоғамдық қорының жетекшісі Ботагөз Игенбаева.