Астанада «BAIQONYR RUN» жеңіл атлетикалық жарысы өтеді

Елордада 8 маусым күні «Астана – есірткісіз қала» акциясы аясында аудан тұрғындары арасында «BAIQONYR RUN» жеңіл атлетикалық жарысы өтеді, деп хабарлайды Астана қаласы әкімдігінің ресми сайты.

Жарыс 8 маусым күні «Алатау» спорт кешенінде (Ж.Тәшенев көшесі жағынан) өтеді. Жалпы қашықтық – 4 километр.

Қатысушыларды тіркеу тегін жүргізіледі және таңғы сағат 07:30-дан 09:00-ге дейін жалғасады. Қатысушыларға естелік медальдар табысталады. Іс-шара спорттық жарыс болып есептелмейді.

Жарыс аяқталғаннан кейін қатысушылар арасында бағалы сыйлықтар ойнатылады.