Астанада Тәуелсіздік даңғылының учаскесі уақытша жабық

Астана қаласының Көлік және жол-көлік инфрақұрылымын дамыту басқармасы 26-27 мамыр күндері Б.Момышұлы даңғылынан Б.Майлин көшесіне дейінгі учаскеде Тәуелсіздік даңғылына орташа жөндеу жүргізеді, деп хабарлайды елорда әкімдігінің ресми сайты.

Осы уақытта көлік қозғалысы екі бағытта бір жағынан кезең-кезеңімен ұйымдастырылады.

Жүргізушілер мен жаяу жүргіншілер қозғалыс бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады.