Астанада М. Өтемісов атындағы Оқушылар сарайының ғимаратында есірткіге қарсы граффити пайда болды.

Бұрын бұл жерде есірткі дүкендерін жарнамалайтын заңсыз жазулар болған. Жаңа қабырға суреті ғимараттың келбетін жаңартып қана қоймай, маңызды символға айналды — бұл есірткі қылмысына қарсы күресте күш біріктіру тақырыбына арналған.

Граффити екі бөліктен тұрады. Бірінде бейбітшіліктің, тазалық пен еркіндіктің символы — ақ көгершін бейнеленген. Басқасында - есігі ашық тор және қазақ тілінде "Есірткіcіз болашақ" деген жазу бар.

Жобаның бастамашысы қала әкімдігі жанындағы "Астана жастары "Жастар ресурстық орталығы" КММ болды. Акция 2024-2025 жылдарға арналған "Астана – есірткісіз қала" кешенді жоспары аясында өтті. Сондай-ақ, іске асыруға "Сарыарқа" ауданы әкімінің аппараты, Қазақстан Республикасының Ішкі істер министрлігі, Астана қаласының ПД есірткі қылмысына қарсы іс-қимыл басқармасы және еріктілер тартылды.

Ұйымдастырушылардың айтуынша, акцияның мақсаты - жастар арасында есірткі қылмысының алдын алу, жасөспірімдерде есірткінің заңсыз айналымына теріс көзқарасты қалыптастыру және белсенді және саналы өмір салты мәдениетін насихаттау.