Мүгедектігі бар адамдар мен жүріп-тұруы шектеулі топтарды есепке алғанда, халық үшін инфрақұрылым нысандарының және көрсетілетін қызметтердің қолжетімділігі

Қазақстан Республикасының сауда және интеграция министрлігі мүдделі мемлекеттік органдармен және үкіметтік емес ұйымдармен бірлесіп мүгедектігі бар адамдардың инфрақұрылым объектілеріне қолжетімділігін жақсарту, сондай-ақ объектілерді ҚР талаптарына сәйкес келтіру мақсатында «Мүгедектігі бар адамдар мен жүріп-тұруы шектеулі топтарды есепке алғанда, халық үшін инфрақұрылым нысандарының және көрсетілетін қызметтердің қолжетімділігі» ұлттық стандартын әзірлеп, 2023 жылғы 14 қарашада бекітті.

Осы стандарт мүгедектігі бар адамдар үшін қолжетімділікті қамтамасыз ету бойынша жеке және мемлекеттік кәсіпорындармен өзара жергілікті атқарушы органдармен жұмысын ұйымдастыруды көздейді.

ҚР ЕЖ 3.06-101-2012 стандартында көрсетілген «Мүмкіндігі шектеулі топтар үшін қолжетімділікті ескере отырып, ғимараттар мен құрылыстарды жобалау». Жалпы ережеде пандустарға, баспалдақтарға, санитарлық тораптарға, қозғалыс жолдарына және мүгедектігі бар адамдар үшін қолжетімділікті қамтамасыз ету жөніндегі басқа да қойылатын негізгі талаптар баяндалған.