Астана қаласының Жұмыспен қамту және әлеуметтік қорғау басқармасы «Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәліктер беру» бойынша мемлекеттік қызметтер көрсетеді.

Өтініштерді қабылдау және мемлекеттік қызметті көрсету:

1) көрсетілетін қызметті берушінің;

2) «Азаматтарға арналған үкімет» мемлекеттік корпорациясы коммерциялық емес акционерлік қоғамы (бұдан әрі-Мемлекеттік корпорация).

3) «электрондық үкімет порталы» (бұдан әрі-ЭҮП) арқылы қабылданады.

Бұрын берілген куәлікпен қатар радиациялық қатердің тиісті аймақтарында тұру фактісі мен кезеңін растайтын құжаттар тізімі:

1) мұрағат анықтамалары, халық депутаттары ауылдық, кенттік кеңестерінің, тұрғын үй-пайдалану басқармаларының, үй басқармаларының, кент, ауыл, ауылдық округ әкімдерінің, пәтер иелері кооперативтерінің анықтамалары;

2) еңбек кітапшасы;

3) оқу орнын бітіргені туралы диплом;

4) әскери билет;

5) туу туралы куәлік, орта білім туралы аттестат, негізгі мектепті бітіргені туралы куәлік.

Толық ақпарат алу үшін Бейбітшілік көшесі 9 үйде орналасқан Астана қаласының Жұмыспен қамту және әлеуметтік қорғау басқармасына жүгінуге болады.

Анықтама номерлері:

Алматы: 55-01-74, 8 705 645 06 38;
Байқоңыр: 55-72-32, 8 705 645 06 92;
Есіл: 55-74-50, 8 705 645 06 71;
Сарыарқа 55-14-87, 8 705 645 06 53.