Астана қаласының Жұмыспен қамту және әлеуметтік қорғау басқармасы жергілікті бюджет қаражаты есебінен Астана қаласында тұрақты тіркелген және тұратын, Қазақстан Республикасының аумағындағы жалғыз тұрғын үйі тіркелген және тұратын аз қамтылған отбасыларға (азаматтарға) коммуналдық және басқа да қызметтерге ақы төлеу құны отбасының жалпы табысының 5 пайызынан асатын болса тұрғын үй көмегі тағайындалатыны хабарлайды.

Өтініштерді қабылдау және осы мемлекеттік қызметті көрсету нәтижесін беру «Азаматтарға арналған үкімет» мемлекеттік корпорациясы» коммерциялық емес акционерлік қоғамы арқылы (ХҚО) немесе «электрондық үкімет» www.egov.kz веб-порталы арқылы әр тоқсан сайын тапсыруға болады.

Өтінім беру үшін қажетті құжаттар тізімі:

Өтініш;
барлық отбасы мүшелерінің жеке басын куәландыратын құжаттардың көшірмелері;
өтініш берілген тоқсанның алдындағы тоқсандағы отбасының табысын растайтын құжаттардың көшірмелері;
айналымдағы тоқсанның алдындағы тоқсандағы коммуналдық төлемдердің көшірмелері;
банктік шоттың көшірмесі;