«Балқаш» емдеу-сауықтыру кешені
Құрметті Астана қаласының тұрғындары! Астана қаласының Жұмыспен қамту және әлеуметтік қорғау басқармасы, Қарағанды облысының Приозерск қаласында орналасқан «Балқаш» емдеу-сауықтыру кешеніне келесі санаттар бойынша жазылу басталғанын хабарлайды:
- Ұлы Отан соғысының ардагерлері;
- Басқа мемлекеттердің аумағындағы әскери қақтығыстардың ардагерлері;
- Ұлы Отан соғысының ардагерлеріне теңестірілген ардагерлер;
- 1986 жылғы 17-18 желтоқсан оқиғаларының қатысушылары;
- Жасы бойынша зейнеткерлер (мүгедектігі бар тұлғаларды қоспағанда, олар үшін әзірленген жеке оңалту және абилитация бағдарламасына сәйкес санаторлық-курорттық емдеу қызметтері ұсынылған тұлғалар).
Жазылу электрондық форматта birge.astana.kz сайты арқылы, электронды-цифрлық қолтаңба (ЭЦП) қолдану арқылы жүзеге асырылады. Үйден шықпай-ақ, өз бетіңізше жазылуға болады.
Шипажайға жазылу шипажайға баруға жоспарланған айға екі ай қалғанда — алғашқы жұмыс күні сағат 08:00-де ашылады.
Мысалы:
- наурыз айына жазылу — 2026 жылдың қаңтарда;
- сәуір айына — 2026 жылдың 2 ақпанында;
- мамыр айына — 2026 жылдың 2 наурызында
- маусым айына 1 сәуірінде ашылады және т.б.
📌 Назар аударыңыз! Егер жазылғандардың бірі жолдамадан бас тартқан жағдайда, бос орындар сайтта көрсетілетін болады.
Тіркелгеннен кейін, шипажайға барар алдында 10-15 күн бұрын келесі құжаттармен Бейбітшілік көшесі, № 9 үй, 102 кабинет жолдама алу қажет:
1) САНАТОРЛЫҚ-КУРОРТТЫҚ КАРТА (ТЕРАПЕВТ) + КӨШІРМЕСІ
2) ЖЕКЕ КУӘЛІК
(сенім хат (+көшірмесі) + заңды тұлғаның жеке куәлігінің көшірмесі
Көмек алу үшін «Жанұя» отбасы институтын қолдау орталығына мына мекенжай бойынша жүгінуге болады: Бейбітшілік көшесі, 14 үй (жұмыс уақыты сағат 9.00 ден 18.00 дейін., түскі үзіліс 13.00 ден 14.00 дейін)
📌 Назар аударыңыз! 2023 жылдың 3 қазанындағы № 84/10-VIII Астана қаласы мұқтаж азаматтарының жекелеген санаттарын анықтау және әлеуметтік көмек көрсету ережелеріне сәйкес, 2024 жылдың қаңтарынан бастап зейнеткерлерге санаторлық-курорттық емдеу құқығы екі жылда бір рет беріледі.
Анықтама: зейнеткерлерге санаторлық-курорттық емдеу жолдама құнынан 20% көлемінде төлеммен беріледі; минималды зейнетақы алушыларға зейнеткерлерге жолдама құнынан 15% көлемінде төлеммен беріледі.