Құрметті Астана қаласының тұрғындары!

Астана қаласының Жұмыспен қамту және әлеуметтік қорғау басқармасы келесі санаттарға санаторлық-курорттық емделуге жазылу электрондық форматта birge.astana.kz сайты арқылы, электронды-цифрлық қолтаңба (ЭЦП) қолдану арқылы жүргізіліп жатқанын хабарлайды:

• Ұлы Отан соғысының ардагерлері;
• Басқа мемлекеттердің аумағындағы әскери қақтығыстардың ардагерлері;
• Ұлы Отан соғысының ардагерлеріне теңестірілген ардагерлер;
• 1986 жылғы 17-18 желтоқсан оқиғаларының қатысушылары;
• Жасы бойынша зейнеткерлер (мүгедектігі бар тұлғаларды қоспағанда, олар үшін әзірленген жеке оңалту және абилитация бағдарламасына сәйкес санаторлық-курорттық емдеу қызметтері ұсынылған тұлғалар).

 

Әр адам өз бетінше, үйде жазыла алады. Нұсқаулыққа сілтеме https://youtube.com/watch?v=6HpkYxww0Rw&feature=shared

Тіркелгеннен кейін, шипа-жайға барар алдында 15 күн бұрын келесі құжаттармен

Бейбітшілік көшесі, № 9 үй, 102 кабинет жолдама алу қажет:

1)  САНАТОРЛЫҚ-КУРОРТТЫҚ КАРТА  (ТЕРАПЕВТ) + КӨШІРМЕСІ

2)  ЖЕКЕ КУӘЛІК

(сенім хат (+көшірмесі) + заңды тұлғаның жеке куәлігінің көшірмесі

📌 Назар аударыңыз! 2023 жылдың 3 қазанындағы № 84/10-VIII Астана қаласы мұқтаж азаматтарының жекелеген санаттарын анықтау және әлеуметтік көмек көрсету ережелеріне сәйкес, 2024 жылдың қаңтарынан бастап зейнеткерлерге санаторлық-курорттық емдеу құқығы екі жылда бір рет беріледі. 

Анықтама: зейнеткерлерге санаторлық-курорттық емдеу жолдама құнынан 20% көлемінде төлеммен (67 200 теңге) беріледі; минималды зейнетақы алушыларға зейнеткерлерге жолдама құнынан 15% көлемінде төлеммен (50 400 теңге) беріледі.