Астана қаласының жасы бойынша зейнеткерлеріне санаторлық-куролрттық емделу қызметі 

Астана қаласының жасы бойынша зейнеткерлеріне санаторлық-куролрттық емделу қызметі 

Елордада 140 мыңнан астам жасы бойынша зейнеткер тұрады. Қамтылатын адамдар санын арттыру мақсатында жасы бойынша зейнеткерлерге санаторлық-курорттық емге жолдама екі жылда бір рет беріледі. 2025 жылы 6500 зейнеткерге санаторлық-курорттық ем көрсетілу көмегі жоспарлануда.

Ыңғайлылық пен кезектің ашықтығын қамтамасыз ету үшін санаторлық-курорттық емге жазылу birge.astana.kz сайты арқылы электрондық цифрлық қолтаңба (ЭЦҚ) пайдаланып электронды форматта жүзеге асырылады. Үйден шықпай-ақ өзіңіз жазыла аласыз.

Жыл басынан бастап келесі санаторийлерге сауықтыру-курорттық емге жазылу және жолдамаларды рәсімдеу жүргізілуде:

• «Айша Биби» (Тараз қаласы, Жамбыл облысы)
  • «Зари» (Сарыағаш ауданы, Түркістан облысы)
  • «Қатаркөл» (Бурабай ауданы, Ақмола облысы)

1 тамыздан бастап «Қатаркөл» санаторийіне 2025 жылғы қыркүйек, қазан, қараша және желтоқсан айларына жазылу ашылатындығын қосымша хабарлаймыз.

 

Анықтама: зейнеткерлерге санаторлық-курорттық емдеу жолдама құнынан 20% көлемінде төлеммен (67 200 теңге) беріледі; минималды зейнетақы алушыларға зейнеткерлерге жолдама құнынан 15% көлемінде төлеммен (50 400 теңге) беріледі. Жолдаманың жалпы құны 336 000 теңгені құрайды.