Бүгінгі таңда пәтер терезелерінен жас балалардың құлап кету оқиғалары өзекті мәселе болып отыр. Мұндай жағдайлардың көбі ауыр жарақаттармен немесе адам өлімімен аяқталуда.

Осыған байланысты, профилактикалық шара ретінде бүгін «Астана қаласының тұрғын үй және тұрғын үй инспекциясы басқармасы» ММ басшысының орынбасары Е. Малик Сарыарқа және Байқоңыр аудандарындағы биік тұрғын үй кешендеріне барды.

Сапар барысында тұрғындармен түсіндіру жұмыстары жүргізіліп, демеушілік қаражат есебінен терезелерге арнайы шектегіштер орнатылды. Сондай-ақ, жас балалары бар отбасыларға сыйлықтар табысталды.

Тұрғындарға үндеу: балаларыңыздың қауіпсіздігіне ерекше назар аударыңыздар!