Астанада BI Marathon уақытында көшелер жабылады

Елорданың Триатлон саябағында 18 мамырда BI Marathon қайырымдылық бағытында ашық марафон өтеді. Оны өткізу кезінде көшелердің кейбір учаскелері жабылады, деп хабарлайды Астана әкімдігінің ресми сайты.

Марафонға 5000-ға жуық қала тұрғыны мен қонақтары қатысады деп күтіліп отыр. Іс-шараның басталуы мен аяқталуы Триатлон саябағының аумағында орналасады. Марафон аясында екі қашықтық қарастырылған – 10 км және 21 км.

10 км жүгіру: старт саябақтың Триатлон тұрақ аймағынан басталады. Әрі қарай бағыт Тәуелсіздік көпірі арқылы өтеді, Сарайшық пен Ақмешіт көшелерінің қиылысына дейін, одан кейін Ақмешіт көшесіне бұрылып, белгіленген нүктеден кері бұрылады. Қайту сол маршрут бойынша жүзеге асырылады.

21 км жүгіру: Триатлон паркінің тұрақ аймағынан бастау жоспарланып отыр. Бағыт Тәуелсіздік көпірі арқылы Сарайшық және Ақмешіт көшелерінің қиылысына дейін жалғасады, әрі қарай Ақмешіт көшесіне бұрылады. Қатысушылар Ботаникалық бақтың аумағы арқылы ЭКСПО ауданына дейін жүгіреді, онда кері бұрылыс ұйымдастырылады. Қайту жолы сол маршрут бойынша жүреді.

Іс-шараның өткізілуіне байланысты 18 мамыр күні сағат 07:00-ден 10:00-ге дейін өзгелердің қауіпсіздігін қамтамасыз ету үшін жол бойындағы бірқатар көше жабылады.