ЦИФРЛЫҚ ҚҰҚЫҚТАР ЖӘНЕ ҚАУІПСІЗ ЦИФРЛЫҚ ОРТА: ЕЛОРДАДА ҚР ЖАҢА КОНСТИТУЦИЯСЫ ЖОБАСЫ БОЙЫНША КЕҢЕС ӨТТІ

«Астана қаласының Цифрландыру және мемлекеттік қызмет басқармасы» ММ-де Қазақстан Республикасы жаңа Конституциясы жобасының негізгі ережелеріне арналған қызметкерлер үшін ақпараттық-түсіндіру кеңесі өтті.

Іс-шара Цифрландыру басқармасы басшысының орынбасары Бексұлтан Қуандықтың төрағалығымен ұйымдастырылды. Кеңес барысында Негізгі заң жобасындағы негізгі өзгерістер және олардың цифрлық орта мен мемлекеттік қызметтер жүйесі үшін маңызы түсіндірілді.

Қатысушылар Конституция жобасында алғаш рет азаматтардың цифрлық құқықтары бекітіліп отырғанына ерекше назар аударды. Олардың қатарында жеке деректерді қорғау, қауіпсіз цифрлық кеңістікке құқық және цифрлық сервистерге деген сенімді нығайту бар. Сондай-ақ электрондық үкімет пен цифрлық мемлекеттік қызметтер мемлекет пен азаматтар арасындағы өзара іс-қимылдың орнықты стандарты ретінде қарастырылатыны атап өтілді.

Талқылау барысында цифрландырудың адами капиталды дамытудағы рөлі, сондай-ақ білім беру, ғылым, инновациялар және цифрлық сауаттылық салаларындағы ықпалы қозғалды. Кеңес қорытындысы бойынша қатысушылар белгіленген тәсілдерді күнделікті қызметте практикалық тұрғыда қолданудың маңызын, оның ішінде сервистер сапасын арттыру, цифрлық платформалардың қауіпсіздігін қамтамасыз ету және азаматтармен өзара іс-қимыл кезіндегі жауапкершілікті күшейту мәселелерін атап өтті.