Астанада мемлекеттік қызметшілерді хабарландыру және жинау бойынша жұмылдыру дайындығы аясында оқу-жаттығу өтті

2026 жылғы 1 сәуірде Астана қаласының Жұмылдыру дайындығы, аумақтық және азаматтық қорғаныс басқармасында мемлекеттік орган қызметкерлерін хабардар ету және жинау бойынша жаттығу өтті.

Іс-шараның негізгі мақсаты – Астана қаласы әкімдігінің құрылымдық бөлімшелері қызметкерлерінің жұмылдыру іс-шараларын орындауға дайындығын арттыру болды. Жаттығу барысында қатысушыларға теориялық білім беріліп, сондай-ақ хабарлау сигналдарын алған кездегі және кейінгі жиналу кезіндегі іс-әрекеттердің практикалық дағдылары пысықталды.

Іс-шара барысында іс-қимылдардың үйлесімділігіне, жедел әрекет етуге және жұмылдыру сипатындағы міндеттерді орындау кезінде белгіленген алгоритмдерді сақтауға ерекше назар аударылды.

Жаттығуға Астана қаласы әкімдігі басқармаларының, сондай-ақ аудандық әкімдіктердің өкілдері қатысты. Мұндай іс-шаралар мемлекеттік органдардың ерекше кезең жағдайында әрекет етуге дайындығын нығайтуға және жұмылдыру дайындығы жүйесінің жалпы тиімділігін арттыруға ықпал етеді.