Аумақтық қорғаныс жаттығулары: Астанада әскери жинақтың белсенді кезеңі өтті

Астанада қалалық аумақтық қорғаныс бригадасының әскери жиынының белсенді кезеңі өтті. Оқу-жаттығу барысында әскери міндеттілер өмірлік маңызы бар нысандарды қорғау және қорғаныс міндеттерін орындады. Сондай-ақ, шараға ТЖД мен ПД бөлімшелері қатысып, ведомствоаралық ынтымақтастық қамтамасыз етілді.

Оқу-жаттығудың барысын Астана қалалық мәслихатының депутаттары бақылап, аумақтық қорғаныс құрамының дайындылығы мен кәсібилігі көрсетілді.

Оқу-жаттығудың мақсаты - әскери міндеттілердің практикалық дағдыларын жетілдіру, аумақтық қорғаныс органдары мен шұғыл және құқық қорғау құрылымдары арасындағы үйлестіруді жақсарту, сондай-ақ төтенше жағдайлар кезінде әрекет етуге дайындық деңгейін арттыру.

Мәслихат депутаттары қатысушылардың даярлық деңгейін оң бағалап, осындай шаралардың астананың тұрақтылығы мен қауіпсіздігін қамтамасыз етудегі маңыздылығын атап өтті.

Әскери жиындар мемлекеттік аумақтық қорғаныс бағдарламасына сәйкес жоспарлы түрде өткізіледі. Өткізілген оқу-жаттығулар қалалық аумақтық қорғаныс күштерінің әртүрлі қатерлерге жедел жауап беру және маңызды инфрақұрылым нысандарын қорғауға дайындығын растады.