2025 жылғы 15 шілдеде Астанада командалық-штабтық жұмылдыру оқу-жаттығуы өтті
2025 жылғы 15 шілдеде Астана қаласы әкімдігінде аумақтық қорғаныс бригадасын жоғары жауынгерлік дайындық деңгейіне келтіру кезінде мемлекеттік органдар арасындағы өзара іс-қимыл мен құлақтандыру механизмдерін жетілдіруге бағытталған командалық-штабтық жұмылдыру оқу-жаттығуы өткізілді.
Кеңесті Астана қаласының Жұмылдыру дайындығы, аумақтық және азаматтық қорғаныс басқармасының басшысы - отырыс төрағасы Руслан Камельханович Бешеев басқарды.
Оқу-жаттығуға қатысты:
- Әскери қауіпсіздік пен қорғаныс мәселелері бойынша әкімнің көмекшісі Ельчибаев Мейрам Зейнуллаевич
- Астана қаласының аумақтық қорғаныс бригадасының командирі мен әскери қызметшілері;
- Астана қаласының Қорғаныс істері департаментінің жұмылдыруды жоспарлау бөлімінің басшысы;
- Қаланың бейінді басқармаларының өкілдері: білім, инвестициялар және кәсіпкерлікті дамыту, қоғамдық денсаулық сақтау, көлік және жол-көлік инфрақұрылымын дамыту, энергетика, дін істері басқармалары;
- Астана қаласы әкімдігінің «Азаматтық қорғанысты қамтамасыз ету орталығы» КММ басшылығы;
- Астана қаласы аудандары әкімдіктерінің өкілдері.
Кеңес барысында басқару органдарының ықтимал қауіп-қатерлерге жедел ден қоюға дайындығы тексеріліп, жеке құрамды хабардар ету, жинау, қамтамасыз ету жұмыстарын ұйымдастыру және әртүрлі құрылымдар арасындағы өзара іс-қимыл бойынша практикалық іс-шаралар пысықталды.