Елордада Rakuten компаниясының өкілдерімен кездесу өтті

Астана қаласы әкімінің орынбасары Евгений Глотов Rakuten халықаралық технологиялық компаниясының өкілдерімен кездесу өткізді.

Кездесу барысында Астанада халықаралық спорттық және іскерлік іс-шараларды ұйымдастыру саласындағы ықтимал ынтымақтастық бағыттары талқыланды.

Тараптар елорданың инвестициялық және туристік әлеуетін дамытуға, сондай-ақ халықаралық байланыстарын нығайтуға бағытталған бірлескен бастамаларды іске асыру перспективалары жөнінде пікір алмасты.

Астана қаласының іскерлік белсенділікті арттыруға, халықаралық ауқымдағы іс-шараларды тартуға және сыртқы бағыттарды дамытуға ықпал ететін бастамаларды қарастыруға әрқашан ашық екені атап өтілді.

 

https://www.instagram.com/p/DVXmElhCEz-/?hl=ru