Астанада жаңа жоғары технологиялық логистикалық кешен
«ОРПТ» АҚ (Technodom) заманауи логистикалық орталық – Алматы ауданындағы 5 гектар аумақта орналасқан заманауи өндірістік инфрақұрылымы бар ірі нысан. Оның құрылысы Астана қаласы әкімдігінің, Астана қаласының инвестициялар және кәсіпкерлікті дамыту басқармасының, сондай-ақ Астана даму орталығының қолдауымен және бірлескен жұмысының нәтижесінде жүзеге асырылды.
Кешен заманауи желілермен және озық инженерлік шешімдермен жабдықталған 20 000 м²-ден астам жоғары технологиялық алаңдарды біріктіреді. Жоба елордадағы өндірістік әлеуетті күшейтіп қана қоймай, білікті мамандар үшін жаңа мүмкіндіктер ашып, өңірдегі жұмыспен қамтуды арттыруға қосымша серпін берді.
Нысан өнеркәсіптік және экологиялық қауіпсіздік талаптарына толық сәйкес келеді. Негізгі үдерістердің автоматтандырылуы мен сенімді бақылау жүйесі орталықтың тиімді әрі тұрақты жұмысын қамтамасыз етеді.
«ОРПТ» АҚ (Technodom) – бұл өңір үшін технологиялардың дамуы және жаңа мүмкіндіктер.