«Заманауи кәсіпкер» тегін оқыту бағдарламасы

Астана қаласы бойынша «Даму» кәсіпкерлікті дамыту қоры» АҚ өңірлік филиалы Қордың қолданыстағы және әлеуетті клиенттеріне арналған қашықтан оқыту бағдарламасының белсенді түрде жүзеге асырылып жатқанын хабарлайды. Жоба қазіргі жағдайда бизнесті сенімді дамыту үшін қажетті негізгі кәсіпкерлік және басқарушылық құзыреттерді қалыптастыруға бағытталған.

Қазіргі таңда бизнес ортасы жылдам өзгеруде. Сондықтан кәсіпкерлерге жаңа сын-қатерлерге тек жауап беру емес, оларды алдын ала болжау — аса маңызды. Осыған байланысты «Заманауи кәсіпкер» бағдарламасына әрбір кәсіп иесіне пайдалы болатын заманауи модульдер енгізілген:

Бағдарламаның негізгі модульдері:

Digital for business — бизнес-процестерді оңтайландыруға және тиімділікті арттыруға арналған цифрлық құралдар;

Тәуекелдерді басқару — тәуекелдерді талдау, алдын алу және азайту тәжірибелері;

Персоналды басқару — мықты команданы қалыптастырудың жүйелі тәсілі;

Маркетинг және сату — жоғары бәсекелестік жағдайда сатуды ұлғайту және нарықты кеңейту стратегиялары.

Оқыту форматы:

Толық онлайн режимде өтеді. Бұл — білім алуды ағымдағы жұмыс кестесімен оңай үйлестіруге мүмкіндік береді.

Қатысу тегін және барлық қалаушыларға қолжетімді.

Тіркелу сілтемесі:

https://study.eyacademycca.com/login/index.php

Қатысушыларға ерекше мүмкіндік

Бағдарлама тыңдаушылары үшін бірегей ұсыныс бар:

ең белсенді төрт қатысушы 2026 жылы Ernst & Young Academy ұсынатын “Executive MBA: интенсив” бағдарламасына қатысу құқығына ие болады. Бұл — стратегиялық ойлау, көшбасшылық және басқарушылық икемділікті дамытатын тереңдетілген білім беру модулі.

Қордың клиенті емес қатысушыларға промокод ұсынылады:

«Обучение даму» — «Заманауи кәсіпкер» бағдарламасына тегін қатысу мүмкіндігін береді.