Жұмысшы мамандықтар жылы аясында студенттерге экскурсия ұйымдастырылды

Жұмысшы мамандықтар жылы аясында Л.Н. Гумилев атындағы Еуразия Ұлттық университетінің колледжі, Астана қаласы Қазтұтыну одағының жоғары колледжі және Мағжан Жұмабаев атындағы Халықаралық жоғары колледжінде «Маркетолог» мамандығы бойынша оқитын 1-2 курс студенттері үшін экскурсия ұйымдастырылды.

Экскурсияның мақсаты – жастардың сауда саласындағы мамандықтарға деген қызығушылығын арттыру және жұмысшы мамандықтарын насихаттау.

SMALL & SPAR супермаркеттер желісінің Солтүстік аймақ бойынша директоры Павел Витков қатысушыларды супермаркет тарихымен, компанияның жұмыс ерекшеліктерімен және заманауи маркетингтің негізгі қағидаларымен таныстырып, маркетинг саласын дәстүрлі әдістерінен цифрлық форматтарға өтудің маңыздылығын атап өтті.

Студенттер тауарлардың ассортиментін қалыптастыру, оларды сөрелерге дұрыс орналастыру және тауарлардың қою ретінің сатып алушылардың мінез-құлқына әсері туралы білді. Олар белсенді түрде сұрақтар қойып, алған білімдерінің болашақ оқулары үшін практикалық құндылығын атап өтті.