Құрметті отандастар!

Сіздерді Қазақстан Республикасының Конституциясы күнімен және Ата Заңымыздың 30 жылдық мерейтойымен шын жүректен құттықтаймыз!

1995 жылғы 30 тамызда бүкілхалықтық референдум арқылы қабылданған Конституция – еліміздің құқықтық жүйесінің іргетасы, демократия мен тұрақтылықтың кепілі. Ата Заңымызда адам құқықтары, бостандықтары және мемлекет пен қоғамның өзара жауапкершілігі айқын көрсетілген.

Конституцияға сүйене отырып, елімізде экономикалық реформалар мен бизнесті қолдау шаралары табысты жүзеге асып келеді. Ол – еліміздің өркендеуіне берік негіз.

Осы мерейлі күні сіздерге зор денсаулық, бейбіт өмір, еңбектеріңізге табыс тілейміз!

Ата Заңымызға деген құрмет пен елге деген сенім арта берсін!

Қазақстан Республикасының Конституциясы – болашағымыздың берік тірегі!