Конституциямыздың 30 жылдық мерекесі қарсаңында марапаттау шарасы өтті

Еліміздің басты құжаты – Конституциямыздың 30 жылдық мерекесі қарсаңында Астананың Инвестициялар және кәсіпкерлікті дамыту басқармасында салтанатты марапаттау шарасы өтті.

Шара аясында Астана қаласы әкімінің тарапынан қоғамның игілігі жолында адал еңбек етіп жүрген кәсіпкерлер мен мемлекеттік мекеме өкілдерінің ел дамуына қосқан елеулі үлесі аталып, Алғыс хаттармен марапатталды.

Шара барысында басқарма басшысының орынбасары Қуаныш Сапаров жиналғандарды атаулы күнмен құттықтап, ізгі тілегін білдірді:

«Экономиканы дамыту, инвестициялық тартымдылықты арттыру және кәсіпкерлікті қолдау бағытындағы барлық реформалар мен бастамалар Конституция нормаларына сай жүзеге асырылып келеді. Ата Заңымыз – бизнестің дамуына құқықтық кепілдік беріп, еліміздің әлеуметтік-экономикалық өркендеуіне берік негіз болды», – деді ол өз сөзінде.

Бұл марапат - қызметкерлердің кәсіби табандылығы мен жауапкершілігінің жоғары бағасы ғана емес, сонымен қатар еліміздің даму жолындағы сүбелі үлесінің айқын көрінісі болып табылады.