Қазақстан мен Испанияның алғашқы бірлескен фильмі Comic Con Astana 2025 аясында таныстырылады

Comic Con Astana 2025 фестивалі аясында Netflix платформасына және әлемдік прокатқа арналған Қазақстан мен Испанияның алғашқы бірлескен туындысы — «Перемирие» (La Tregua) көрерменге алғаш рет ұсынылады.

Фильм кеңестік кезеңдегі Карлаг лагері туралы шынайы тарихи оқиғаларға негізделген. Режиссері — испаниялық Мигель Анхель Вивас («Қағаз үй» / La Casa de Papel), ал продюсері — Эмилио А.Пина (Premios Goya сыйлығының лауреаты).

Бұл — халықаралық аудиторияға бағытталған, Қазақстанның заманауи кинематографиясын жаңа деңгейге көтеретін маңызды жоба.

Халықаралық косплей байқауы — 15 000 000 теңге жүлде қорымен

Фестивальдің ең танымал әрі дәстүрлі элементтерінің бірі — халықаралық косплей байқауы. Биылғы жүлде қоры — 15 миллион теңге. Қазылар алқасының құрамында әлемдік және отандық косплей сахнасының танымал өкілдері бар: Яя Хан (АҚШ), Cinderys (Франция), Ran Hime (Қырғызстан), Frau Haku (Ресей), Ainaven Elf!, Danik (Қазақстан), Midday of Siberia (Ресей) және басқалар.

TEKKEN World Tour 2025: Astana кезеңі

Tekken 8 ойыны бойынша әлемдік тур — TEKKEN World Tour 2025 аясындағы Astana кезеңі Comic Con алаңында өтеді. 90-нан астам киберспортшы рейтингтік ұпайлар мен 400 000 теңге жүлде қоры үшін бақ сынайды.