Инвесторлардың проблемалық мәселелерін жедел шешу және инвестициялық қызметке қолайлы жағдайлар жасау мақсатында, 2024 жылғы 19 қаңтардағы №502-87 Астана қаласы әкімдігінің қаулысымен Астана қаласының әкімі Жеңіс Қасымбек төрағалығымен Өңірлік инвестициялық штаб (ӨИШ) құрылды.

ӨИШ – жобаларды іске асыру барысында инвесторларда туындайтын мәселелерді алқалы түрде қарауды қамтамасыз ететін Астана қаласы әкімдігі жанындағы консультативтік-кеңесші орган болып табылады. Штаб отырыстарына әкімдіктің тиісті құрылымдық бөлімшелері, коммуналдық қызметтер, сондай-ақ басқа да мемлекеттік органдардың өкілдері қатысады.

Өңірлік инвестициялық штабтың (ӨИШ) жұмысының негізгі нәтижелері:

✅ 19 отырыс өткізілді (оның ішінде 2024 жылы – 13, 2025 жылы – 6);
✅ Инвесторлардың шамамен 620 мәселесі қаралды;
✅ Жобаларды іске асыру барысында жедел қолдау мен кешенді сүйемелдеу қамтамасыз етілуде.

Астана қаласының әкімдігі инвесторлармен өзара іс-қимыл тетіктерін одан әрі жетілдіріп, елорда экономикасына инвестициялар тарту және кәсіпкерлік қызметті жүзеге асыру үшін қолайлы жағдайлар жасау бойынша жүйелі жұмыс жүргізуде.