Astana Tourism ҚР Бас мешітінің ұйымдастыруымен елордалық гидтер мен экскурсоводтарға оқыту курстары мен тренингтер өткізді.

Жаңа талаптарға сәйкес, биылдан бастап, Бас мешітте экскурсиялық қызметті тек аккредиттелген мамандар өткізе алады. Бұл - Елорданың басты көрнекіліктерінің біріне айналған Бас мешіттегі экскурсиялық ақпараттың сапасын және шынайылығын арттыруға бағытталған.

Қатысушылар кәсіби білім алып, нәтижелі емтихан тапсырды және 50-ден астам маман ресми аккредитация алды. Сондай-ақ, мәдени туризм саласындағы біліктіліктерін арттырды.

Бұл бастама экскурсиялық қызмет көрсетудің біртұтас стандартын қалыптастыруға және елордамыздың туристік тартымдылығын арттыруға бағытталған.